L'attaredda (La gattina)

Dettagli

Pubblicato Mercoledì, 11 Aprile 2012 19:17

Scritto da Isidoro Spanò

Visite: 2386

Vitti na mucidda caminari pi la strata,

li ammi stanchi e la cura abbasciata.

Miao, miao, a destra facìa,

miao a sinistra, a ogni via.

A na cantunera si firmau di nettu

vicinu dunni c'era un cassonettu.

Fici un sautu e dintra si ci jttau:

c'un gattareddu 'mucca subitu affacciau.

Tri boti fici chissu ntempu di nenti,

la musciarìa ci finìu, ora era valenti.

Ammucciatu, eu vitti tutta la scena

l'OMU, a confrontu, mi fici tanta pena:

Dintra la panza è lecitu ammazzari,

si nasci si po' sempri abbannunari,

si poi è vecchiu e... porta ...pisu

na' pinnulicchia e lu mannàmu mparadisu!

Accussì, o Diu, semu arridutti

chi n'armaluzza ni duna nzignamentu

Ti pregu, fa chi prestu l'omini tutti

turnassimu a Tia cu sintimentu!

                                                      Isidoro Spanò

Tweet

Share