Polisu jardi

Dettagli

Pubblicato Mercoledì, 20 Giugno 2012 12:22

Scritto da Maria Stabile

Visite: 1838

Polisu jardi! Polisu jardi!

sunnu cuntenti, sunnu cuntenti

li cori niuri di la mala genti.

Polisu jardi! Polisu amatu!

Curri lu focu cu lu sciloccu,

l'arvuli n'pena carino a toccu!

Polisu jardi, Polisu beddu!

Lu focu arriva finu a lu cielu,

nuddu lu ferma stu ranni sfacelu.

Polisu jardi! Polisu ranni!

Quantu duluri e quanta pena,

sentu nnu cori pi chista scena!

Polisu jardi! Tuttu partiu!

Esti la fini d'un pezzu di munnu!

Tutti taliamu e ci firriamu ntunnu.

Polisu jardi! Oh! Diu! Oh! Diu!

Polisu jardi! Polisu ... addiu!!

                                      Maria Stabile

                                      Estate 2007

Tweet

Share